Ukuxhumana
Iminyaka 6 - 12
UNhlambi
ngu Leo Leonni
UNhlanzi umayelana nokukwazi ukumelena nesimo esisha kanye nokufunda ukusebenzisana. Kulendaba, ngesikhathi abantwana belandela Unhlanzi ezijabulisa ngaphansi kolwandle, bazofunda ngokubhekana nokulahlekelwa, umzwangedwa, ukwesaba, ukubaluleka kokucabanga ngobuchule kanye nokusebenzisana!
Ukuxhumana
Iminyaka 6 - 12
Isitephu 1
Ukwenza lomsebenzi uzodinga ukhalibhodi oqinile(ukhalibhodi wokufaka izinto), peni lomsizi,i-marker isikelo,iphepha elikhulu, upende kanye nebhulashi likapende.
Isitephu 2
Sebenzisa I-marker ukudweba isimo esikhulu senhlanzi sigcwale wonke amacala.
Isitephu 3
Okulandelayo, dweba inhlanzi encane efanayo nale enkulu oyidwebile kukhalibhodi.
Isitephu 4
Ngokucophelela sebenzisa isikelo ukusika isimo senhlanzi encane kukhalibhodi.
Isitephu 5
Ngokucophelela, hlukanisa ngokuthi uxebule phakathi isimo sakho senhlanzi.
Isitephu 6
Penda icala lenhlanzi leli elimazombezombe ngopende owuthandayo. Zama ukuthi ungawufaki kakhulu upende kulecala elimazombezombe ngoba kungadala ukuthi isitembu singabonakali kahle.
Isitephu 7
Ngenkathi usemanzi upende, cindezela inhlanzi yakho oyipendile ngaphangathi kwinhlanzi enkulu oyidwebile. Qhubeka ufake izitembu eziningi ngokuthi ulibe ufaka upende njalo mawenza isitembu. Yenza ama phethini angafani ayizakhiwo ezingafani.
Ngaphambi kokuthi uqale lomsebenzi, siza abantwana ukuthi baqoqe amaqabunga ayizimo ezahlukene, amagobolondo, nezinye izinto ezihehayo ezakhiwe ngokwehlukile kwezinye ezitholakala kwimvelo.
Isitephu 1
Lokhu uzokudinga ukwenza okuqophiwe ngopende. Ukwenza lomsebenzi uzodinga opende abehlukene, ibrashi lokupenda amaphepha ambalwa awu A4.
Isitephu 2
Thatha iphepha uligoqe kaningana ngobunono lilingane, ligoqe kathathu. Licindezele phansi ukuze kuzogqama imigqa yalapho ugoqe khona.
Isitephu 3
Liqaqe lonke iphepha lakho ukuze uzobona imigqa yakho oyakhile.
Isitephu 4
Sebenzisa izinto ozicoshile eziyimvelo uzicobhoze kancane kupende. Qinisekisa ukuthi uzicobhoza ngendlela yokuthi icala elilodwa linopende. Cindezela ephepheni elidala ukususa upende ongadingeki.
Isitephu 5
Cindezela into eyodwa kulezi ozicoshile esikweleni esisodwa ukuze ishiye iqophelo.
Isitephu 6
Qhubeka ucindezele ezinye izinto ngemibala ehlukene kuze kugcwale zonke izikwele ephepheni lakho.
Phinda lomsebenzi ephepheni elisha ukwenza amaqophelo amaningi owathandayo!
Anemone isihlahla esivamise ukuba nezimbali ezinemibala eqgamile ehehayo
Isitephu 1
ukwenza lomsebenzi uzodinga izinhlobo zopende abehlukene, ibrashi lokupenda, i-glue, iphepha, isikelo, i-marker kanye negobhozi lethishu.
Isitephu 2
Khetha umbala owuthandayo ukupenda igobhozi lethishu.
Isitephu 3
Yiba nobuciko ne-anemone yakho, ufake amaphethini uyihlobise ngopende.
Isitephu 4
Linda upende wome kwi anemone yakho. Dweba amehlo amabili ephepheni bese uyawasika. Sebenzisa i-glue ukunamathelisa amehlo egobhozini lakho lethishu elipendiwe.
Isitephu 5
Ngokucophelela, sebenzisa isikelo ukusika imicu engango 4-5 centimeter ubude ngezansi kwegobhozi lakho lethishu elipendiwe. Lena ke imilenzana yomngani wakho i-anemone.
Isitephu 1
uzodinga ipuleti lephepha, amaphepha mathathu amhlophe, ucezu lokhalibhodi elinombala, upende, ibhulashi lokupenda, isikelo, i-makha, ipeni lomsizi, irabha, i-glue.
Isitephu 2
Dweba isimo sajeke wenhlanzi epuletini lephepha, lipende ngombala oluhlaza sibhakabhaka njengolwandle. Uma seyomile uyisike.
Isitephu 3
Ephepheni elilodwa dweba isandla sakho.
Isitephu 4
Penda isandla osenze kwisitephu sesithathu ngemibala egqamile oyithandayo kube sengathi inhlanzi oyithandayo. Khumbula ukunika inhlanzi yakho iso nomlomo, usebenzise imakha. Iyeke yome. Sika inhlanzi yakho ngokucophelela.
Isitephu 5
Penda elinye iphepha ngomubala oluhlaza satshani. Ilinde yome. Landela ngokusika isimo sotshani obude basolwandle. Qinisekisa ukuthi utshani bakho abubukhulu kunojeke wenhlanzi yakho.
Isitephu 6
Namathelisa inhlanzi notshani basolwandle obuluhlaza kujeke wenhlanzi ukuze kubukeke sengathi utshani nenhlanzi kungaphakathi kwajeke. Hlanganisa inhlanzi notshani kubukeke sengathi inhlanzi icashe otshanini. Namathelisa ujeke wakho wenhlanzi kukhalibhodi onombala, khombisa umndeni nabangani bakho!
Ngaphambi kokuba uqale lomsebenzi uzodinga ukuqoqa izinto ezinhlobonhlobo ezitholakala kwimvelo ongazisebensiza ukwakha isithombe sangaphansi kolwandle(isibonelo: isihlabathi, amagobolondo, izitshalo ezomile, izinti,izinto ezimile olwandle).
Isitephu 1
Ukwenza lomsebenzi uzophinde udinge ukhalibhodi, opende abehlukene imibala,ibhulashi lokupenda,i-makha,ipeni lomsizi,irabha,i-glue, amaphepha amathathu,Kanye nalokhu kwmvelo okucoshile.
Isitephu 2
Sebenzisa ukhalibhodi ukwenza ingemumva lesithombe sakho kanye nabalingiswa bomdlalo wakho kaNhlanzi. Qala ngokupenda ingemumva ngombala oluhlaza sasibhakabhaka, umbala wolwandle bese uyayiyeka yome.
Isitephu 3
Okulandelayo, ukudweba izinhlobonhlobo zezinhlanzi njengoba zivela nasencwadini (inhlanzi enkulu emnyama, inhlanzi enkulu ebomvu, inhlanzi encane emnyama). Zipende izinhlanzi zakho ezahlukene bese uziyeke zome.
Isitephu 4
Buyela kwingemumva lakho elibuhlaza njengolwandle bese uthatha isinqumo ukuthi ungathanda ukuwumisa kanjani umdlalo wakho kaNhlanzi wangaphansi kolwandle. Sebenzisa i-glue ukunamathelisa isihlabathi, amagobolondo, izitshalo ngendlela othanda ngayo. Uyeke umsebenzi wakho wome khumbula ukususa isihlabathi esingadingeki noma ongasidingi.
Isitephu 5
Ungadweba, upende ezinye izinhlanzi ongathanda zibe yingxenye yangemumva lakho. Phakamisa ingemumva lomdlalo wakho kaNhlanzi usebenzise izinhlanzi zakho njengabalingisi ukuphinda wenze izindawo ozithandayo encwadini wenzele abangani nomndeni wakho.